გაზაფხულის სითბოსა და ზაფხულის დადგომასთან ერთად ჭიანჭველები დიდ პრობლემად შეიძლება იქცნენ სახლში. ჭიანჭველების დასახლება ნაკვეთზე ყველგან შეიძლება შეგხვდეთ — ხეების ქვეშ, ბაღჩებში, გაზონსა და სათბურში. ისინი ამჯობინებენ ქვიშიან ნიადაგიან ტერიტორიას. ზოგიერთი სახეობა დროთა განმავლობაში სახლში აღწევს და საკვებში ძვრება. განსაკუთრებით პრობლემა ეხებათ მათ, ვინც ქვედა სართულებზე ცხოვრობს. ბინებში ჭიანჭველები ისე ხშირად არ სახლდებიან, როგორც ტარაკნები ან ბაღლინჯოები, თუმცა მათი არსებობა ბევრ პრობლემას იწვევს.

ჭიანჭველებს იზიდავს არა მხოლოდ საკვები, არამედ წყალიც, ამიტომ სახლში ყველა ღია ზედაპირი მშრალი უნდა იყოს. საკვების ძებნისას ისინი ყველაზე ფარულ ადგილებში ძვრებიან — ხშირად ხვდებით მარცვლეულის ყუთებში, პლინტუსების ქვეშ, ნიჟარის ქვეშ ან აბაზანაში კედლიდან მოცილებულ ფილებს შორის. ჭიანჭველები ადამიანს დიდ ზიანს არ აყენებენ, მაგრამ მათ ფეხებზე უამრავი ბაქტერიაა და საკვებთან შეხებისას შესაძლოა ინფექციების გავრცელება დაიწყოს.